Kaupapa: Investigation

E rapu whakautu ana tētahi māmā mō te matenga o tana tama hauā

Aroha Treacher

E toru ngā tau kua pahemo, ā e whawhai tonu ana a Audrey Rapihana kia whai whakautu mō te matenga o tāna tamaiti hauā a Otto.  He reta whakapāha noa iho te whiwhi mā Audrey Rapihana mō te matenga o tana tama.

I te tau rua mano mā rua, i rakaina a Otto e tana kaitiaki ki tēnei whare, e rua tekau ana tau.  I rakaina ia ki rō whare, ka whakarērea e tōna kaitiaki ki te hoko kai, i taua wā i kāinga te whare e te ahi, i mate a Otto.

E ai ki te pūrongo a te Toihau mō te Hauora o ngā Hauā, kāore te kaitiaki i tiaki pai i a Otto, i whati hoki ia i ngā ture hauora -  nā tana raka waiho hoki i a Otto ki te whare, ahakoa tana mōhio me tiaki a Otto i ngā wā katoa.

I kite hoki te pūrongo i te maha o ngā hara o Care Group, ā, ahakoa te whakatewhatewha a ngā pirihimana, kāore ngā hāmene mō te matenga pōkerehū i puta nā te iti o ngā taunakitanga.

He taumaha rawa te pakanga a Audrey Rapihana i ngā tau e toru, ko tāna ka whawhai tonu ia, kia whai whakautu mā tana tama, a Otto.