Ngā kaupapa: Domestic Violence, Entertainment

E pōwhiri ana tētahi kāhui mareikura ki a Chris Brown inā ka tau mai ia ki Aotearoa

E rere ana te reo karanga a ētahi kuia mananui o te ao Māori ki a Chris Brown me te wawata ia, mā rātou te kai-waiata hip-hop rongonui o Amerika e pōhiri ki Ngā Whare Wātea Marae i Tāmaki Makarau. 

Ko Kahurangi June Mariu, ko Kahurangi June Jackson, rātou ko Kahurangi Tariana Tūria tērā i rūnanga ngātahi mai me te Tumu ō mua o Te Whare Punanga o Aotearoa, me te tuku i te pōhiri i runga i te whakapono, ka puta a Brown hei kaiarataki mō ngā mahi kaupare i te riri.

Nō nanahi, puta i a Brown, koia pū tāna e whai nei, me te kī ake, 'ko āna pōraruraru, he kaupapa whakaaraara mō te katoa', ā, e ko tāna, 'e tarai ana ia ki te kaupare i te rere o te riri ki ngā hoa rangatira'.

Hoinō, he tōtara wāhirua ngā whakaaro o ētahi o ngā tauira Māori o te Whare Wānanga o Tamaki Makaurau e pā ana ki te tono a Brown.

Nā, hei tā te māngai mō ngā kaiwhakatairanga i te konehe a Brown, e hē ana ngā kōrerō kua puta i ngā ripoata e kī ana kua kapi ngā kēti ki a Brown i ētahi whenua.

E hoko atu ana ngā tikiti mō te Konehete 'One Hell of a Night' ka tū a te Tihema, ēngari kāhore anō a Brown kia tuku tono atu mō tētahi pane uruwhenua ki Aotearoa nei.