Ngā kaupapa: Australia, Prison

E pōraruraru ana tētahi mauhere nō Aotearoa i te moutere o Christmas

Koia tā tētahi mauhere nō Aotearoa i te moutere o Christmas, e noho mataku ana i ngā whakahārangi i tētahi whare herehere o Ahitereiria.

Hei tā Ronald Neilson, "E kaha ana te hiahia āwhina i a wai atu, i a wai atu.”

E ai ki tetahi atu mauhere, ki a Lewis Hohua, i puta ake tēnei riri i te matenga o tētahi atu o ngā mauhere.  I tērā atu wiki i tūtaki te mema Māori, a Kelvin Davis, ki ētahi o ngā mauhere no Āotearoa.  E ai ki a ia, mā te kāwanatanga o Ahitereiria kē tēnei take e kawe.

Hei tāna, “Taurekareka ana, na rātou i tukuna tēnei āhuatanga, nā rātou i mauhere wēnei tangata, ahakoa i kua mutu o rātou taima ki ngā whare herehere ka puta ana ki ēnei whare taurekareka.”

E ai ki tetahi māngai o te Tari Manene o Ahitereiria, e raru ana te whare rā, otirā kāore anō rātou kia kite i ētahi wharanga i reira.  Engari kei te āwangawanga tonu a Neilson.

E manako nui ana a Neilson rāua ko Hohua kia whai rongoā rātou inā tata nei.