E pēhi tonu ana ngā uri o Tūhoe i te mahi o Operation 8

Mere McLean

Heke ana ngā roimata ki runga i te wharua o Rūātoki te whenua kua aroha-kore atu nei ki nga pirihimana i muri i ngā whakapae hou, i hāere tonu ngā mahi tirotiro whai muri i te kaupapa Operation 8 i te tau rua mano, ma whitu.

Ko tā Tame Iti, “Kua tau ke te ripoata a te ture kāre i pai ngā mahi, kāre rātou i hangai, i pono ranei ki o rātou na mahi, ka mahi tonu haere rātou i wa râtou mahi hunga.”

Kei te whai te hapori o Rūātoki kia tuku whakapaaha ngā pirihimana mo a rātou mahi i te wa o Operation 8, me ētahi kapeneheihana, a, e kotahi ana te hikoi a te wharua i runga i tēnei whai.

Ko ta Tame Iti e whakapono ana ka puta whānui nga korero pono a tōna wa, mo ngā mahi i mua, i te wa o te kaupapa o Operation 8, a whai muri hoki o ngā mahi.

“Kāre ngā pirihimana me te kawanatanga i raro i a Helen Clarke ma, kāre rātou i hangai i runga tikanga, a rātou, na rātou i karo hāere te huarahi ana kua kitea kei te memeha hāere wa rātou na mahi.”

Kāre ano kia tau a hea ka hiki ngā kōrero whakawhiti ki waenga i a Tūhoe me ngā pirihimana o Aotearoa, heoi tērā pea e kore e tau te ahi komau o te riri ki waenga i a Tuhoe me ngā pirihimana o Aotearoa.