E pākinotia tonutia ngā wai o Raetihi

Mere McLean

Mō te hunga kainga o Raetihi, he rā anō ki te kakau o te kō, ahakoa kua pakinotia te awa whangai i ngā wai ki to rātou taone.

Mai te whitu karaka i te ata tae noa ki te whitu karaka i te po e tuwhera ana ngā taraka wai e whitu huri noa i te hapori, kotahi mano, kotahi rau rita ki ia taraka. 

E mahi ngātahi ana te kaunihera a rohe o Ruapehu, te hapori o Raetihi me ngā iwi Māori o takiwa nei, me ta te koromatua o te rohe whakapau wera kia tika ai tenei raru.

Ko te hiahia a te hapori kia puta ngā whakautu mai te kaunihera ki roto o te hui a hapori hei te po nei, ko tētahi whakaaro ka wanangahia kia tiki atu te wai mai tetahi atu awa kihae i pakinotia hei wai whangai mo te taone o Raetihi.