Kaupapa: Treaty Settlements

E noho tārewa tonu ana ētahi whakataunga tiriti nā tētahi taupatupatu poari te take.

E waru tekau miriona tāra te rahi o ngā pūtea āwhina i ngā tono whakatau tiriti e noho tārewa ana nā tētahi taupatupatu i waenga i te poari o Ngā Kaitiaki Rēti Ngahere Karauana.

Koinā te whakapae a Angela Foulkes, te Heamana o Ngā Kaitiaki Rēti Ngahere Karauna, i tana kōrero motuhake ki a Te Kāea i te rangi nei. He raru tēnei i tïmata i tētahi tohe i rō kōti i tēnei tau, nā ētahi kaitiaki tokorua o te poari me Te Kaunihera Māori i kawe me te whakapae, he pānga taupatupatu tō tētahi o ngā mema o te Tari Kaitiaki Rēti Ngahere Karauna, arā tō Taihakurei Durei ki ētahi mahi a te tari e pā ana ki ngā tono a Te Paparahi o Te Raki.

Kei a Ripeka Timutimu tēnei pūrongo.