E ngana ana a Kieran Joblin kia angitū ia i te ao UFC

Ko te pae tawhiti i te ao UFC te whai a Kieran Joblin. Nō nātata nei te uri o Tūhoe ka wikitōria i te taitara nui whakaharahara Carnage in the Cage. Inaianei ko te hui Xtreme Fighting ki Ahitereiria kē te aronga nui.

Ko ia te toawhakaihuwaka mō ngā mahi mamau lightweight puta noa i te Tāhimania. Hēoi ko te UFC te aronga nui a Kieran Joblin.

I tērā marama wikitōria ai te toa Shuriken i te taitara CITC i tēnei tōna taitara tuatoru karapīpiti. Ā, kei te whakariterite ia mō te pakanga nui a XFC ki Ahitereiria hei te marama e heke mai ana. Ki reira tuki atu ki te toa pae whitu o Korea a Sung Hwa Han.

Tekau mā rua o ngā whawhai kua wikitōria i a Kieran o ngā whawhai tekau ma wha. E ai ki tēnei uri o Tūmatauenga ko tana Tūhoetanga e poipoi ana i a ia i roto i te ao mamau.

Hei te tekau mā iwa o Whiringa a Rangi ka tuki atu a Kieran ki a Hwa Han, he tūranga ki ngā whakataetae o Pancrase ki Hāpani te hua.