E kōrero pakihi ana a Sharples i Malaysia

Wepiha Te Kanawa

Kātahi anō te pirimia a John Key i tāmokongia he kirimana me Haina kia piki ai ngā huarahi hokohoko i waenga i ngā whenua, ā, i tēnei rā i wehe atu te minita take Māori a Pita Sharples ki Mareia me te wawata kia kimi oranga ngā pākihi Māori ki reira.

Koinei ētahi o ngā māngai kamupene Māori nō ngā rāngai ahumahi rerekē o Aotearoa, a e rikarika ana kia hāere rātou ki tārāwāhi ki te tuwhera whainga pakihi.

Ko NZ Māori Tourism, Kahungunu Assets Holding Company rātou ko Citywalksz Tours ētahi o te ope e hāere ana. Ki reira ka whakawhitiwhiti kōrero me o mātou hoa hokohoko tuawaru nui o te ao, a Mareia.

I a te tira tauhokohoko i Mareia ka waituhi etahi o rātou he waikanaetanga ki ētahi uepū nō Mareia. Heoi ehara ko te mahi pākihi anake kei te aroaro, engari he wa ano kia whakamaaro ake i te taura here whanaunga ki nga uri o Aahia.

Ko te kaupapa o te tira tauhokohoko kia nui ake i ngā hononga ki a Āhia ki te paeroa.