Ngā kaupapa: Investigation, Tainui

E kōkiri ana a Tuku Morgan me heke iho te tangata i te pūtake o te whakatewhatewhanga a Te Tari Hara Tāware

Mānia Clarke

Tērā te karanga ki te tangata kei te pūtake o te whakatewhatewhanga a Te Tari Hara Tāware ki te Tari o te Kīngitanga, me heke ki rahaki ināia tonu nei kia tau rā nei te whakatewhanga.

Koia rā te whakatau a Tūkoroirangi Morgan, kai-tohutohu ō-mua ki a Kīngi Tūheitia.

I whakatakatōria e Tuku Morgan tōna īnoi i te hui-ā-iwi o Waikato-Tainui i tū i ngā rā whakatā kua hori i Hopuhopu i Ngāruawāhia, he mea tautoko nā ngā.

“Ahakoa kāore anō kia mutu te mahi a te SFO, kei konā ngā piro. Kei konā ngā haussnga o ngā whakapae kei runga a Waikato-Tainui, kei runga anō i te Kiingi, kei runga anō i te tari, nā i te kaupapa o Te Kiingitanga,” i mea atu ia.

Kāore i reira te tangata e rangahautia ana, engari, kīkī ana te whare i te tangata.

Hei tā Tuku, ko te hiahia o te iwi, kia tere te whakaotinga o te take nei.

“Kei a wai te mana? Kei te Pākehā te mana, kei a tātou, kei Te Kiingitanga te mana?”

“E mea ana koe ki ahau, nui ake te mana o te Pākehā ki a tātou, ki te mana o Te Kiingitanga? Mā tātou tēnei take e whakatutuki.”

Hei ta Tuku ki au, kia ū tonu te iwi ki te aata korero kia whai i tetahi ahunga whakamua.