Kaupapa: Treaty Settlements

E kii ana a Ngariki Kaiputahi e tārewatia ana tō rātou kerēme e te Karauna

Kua tārewahia anō e te Karauna te rangona o ngā kerēme a Ngariki Kaiputahi, mō ngā paraka whenua o Mangatū i te Tairāwhiti. 

Hei tā te māngai mō Ngariki Kaiputahi, tā Rawiri Brown, nā te kore aro mai a te Karauna ki te mana motuhake o tōna iwi, he mana tuku iho nō mai rānō.

Kua roa tēnei take e pakangatia ana e Ngariki Kaiputahi ki roto i ngā kōti, ā, kua roa hoki te iwi e tatari ana kia anga whakamua a rātou kerēme.

Nā reira e kore a Ngariki kaiputahi e tuohu ki ngā whakapōrearea a te Karauna, nā te mea e ai ngā kōrero tuku iho, ngā rīpoata i waiho mai, me ngā whakapapa mai i ngā tūpuna, kei i a Ngariki Kaiputahi te mana motuhake, kāore i kō atu kāore i kō mai.

E matapaetia ana a tērā tau rānō ka hoki tēnei take ki mua i te aroaro o te kōti Pīra tuatahi, ā tuarua, kāre e kore ko te Kōti Teitei anō te huarahi kei mua i te iwi.