Kaupapa: Waitangi

E āwangawanga ana tētahi kaumātua nō Ngāpuhi i te hūnukutanga o ngā pōhiri o Waitangi mai Te Tī Marae ki wāhi kē

Wepiha Te Kanawa

Mēnā he kaitōrangpū koe, kaiporotēhi, waewae tapu rānei kō Te Tī Marae te wāhi tuatahi mo te pōhiri. Heoi ka panoni pea tēnei tikanga.

Hei tā te Heamana o Te Papa Whenua o Te Tiriti a Pita Paraone, kua muia katoa ia ē ngā tono mai ngā kaumatua i Waitangi kia hiki te pōhiri ki wāhi kē.

Hei tā, Paraone, "Tēnā pea kia karanga atu tētahi hui kia whakawhiringia taua kaupapa, engari ehara nōku te kōrero whakamutunga mō tēnā whakaaro."

Heoi kei te kaha whakahē te kaumātua o Ngāpuhi a Kingi Taurua, ahakoa tana whakahē i te taenga mai o te pirimia ki Waitangi i muri i te waitohutanga o te TPPA i tēnei wiki.

Hei tā Taurua, “Horekau he mana a Pita ki te kōrero ki roto i te rohe, ko tona mana kei roto i te whare a Pākeha, whare Paremata.”

Hei tā Pita Paraone marama katoa te iwi i te korenga o te Pirimia i tēnei tau, ā, koira te take kua puta ake tēnei take ki te hiki te pōhiri ki Te Papa Whenua o Te Tiriti.

Hei tā Taurua, “Pērā anō a John Key, he whakahīhī ki a tātou,  no reira ko ahau e kī ana inā e whakahīhī koe ki ahau, ki te marae panaia koe ki wa.”

“Mēnā e hiahia ana a Pita Paraone ki te hunuku i tēnei kaupapa, ka pēhea ngā hitori? Me haere ngā hitori ki a Pita?”

Kāore anō kia whakatau i tētahi hui ki te hunuku i te pōhiri, heoi he whiringa tēnei ka āta whakaarohia e Pita.