E āwangawanga ana te Kaunihera ā motu i te iti o ngā nēhi mau tohu

E āwangawanga ana te Kaunihera o ngā Nēhi Māori mō te maha o ngā tauira nēhi ka whiwhi tohu, kahore e whai wāhi ana ki ngā mahi i ngā hohipera me ngā Poari Hauora.

Ko ētahi ka whai mahi i roto i ngā whare manaaki kaumatua, ā, ko ētahi ka wehe atu ki tāwahi. Hei tā te māngai mo te Kaunihera Nēhi Māori, me mahitahi ēnei rōpu katoa ki te whakatika i tēnei take.

Ko ngā whare manaaki kaumatua, kuia te huarahi mama hei whai mahi mo ngā nēhi Māori kua whiwhi tohu, na te uaua o te whiwhi mahi i ngā hohipera me ngā Poari hauora.

Hei tā Linda Thompson o te Kaunihera Nēhi Māori, kei ngā ratonga tuku mahi te rongoa engari me mahitahi rātou me ngā kaiako nēhi.

Ko Hemi Wirihana tetahi uri Māori, e manaakihia ana ki te whare kaumatua, kuia o Hayman Care i Manukau, a e mihi ana ia ki ngā nēhi no ngā iwi katoa e mahi ana i reira.

o te mea nui kë kia whiwhi mahi a tatou nēhi Māori ki Aotearoa nei, tupono noa kei ngaro atu ratou ki tawāhi.