E āwangawanga ana ngā whānau kei Aotearoa mo a ratou uri i Tonga na huripari Ian

Wepiha Te Kanawa

E noho māoriori ana a Raukura rāua ko Rewi Amoamo i te kainga, engari e titiro ana rāua ki ngā pikitia kikino o āwhā Ian i pāwhara i tā rāua kainga a Tonga, kua pā ki ngā whānau maha o te moutere.

“Kare e kore kei te noho i raro i te kapua pouri, he maha hoki ngā karere-ā-roto hangaitia ki te papouritanga, te ngoikoretanga, me te ngarotanga hoki o a rātou taonga.”

E rua ngā poti Tauā Moana no Tongatapu i hari atu he rauemi āwhina ki ngā tūroro o te motu o Ha'apai.  E ai ki a Raukura kua pā kino tēnei āwhā ki te motu whanui.

“Ehara noiho tenei he take mō te iwi o Tonga, engari ko taku titiro mō era o tatou e noho ana ki Aotearoa kei te mohio tatou he maha ngā whānau o te moananui-ā-kiwa kua noho ki konei mo te wa roa.”

E ai ki ngā ratonga ohorere he rua tekau mā toru ngā moutere e kore e taea te tuku waea ki a rātou whānau, te nuinga kei te motu o Ha'apai.

E ngana ana ngā whanau o Aotearoa ki te tuku tautoko.

He tā Raukura, “I takohatia matou tētahi putea iti, matou ko toku tungane, taku teina hoki, ahakoa he iti te koha.”

E ai ki te Minita Matua Take Tāwahi a Murray McCully, a ko ake nei ka tuku āwhina atu a Aotearoa ki a rātou.