E ārikarika ana ngā ākonga ki te whakamahi i tētahi punaha akoranga hou

He punaha akoranga hou kua whakarewahia ki te kura Kaupapa Māori o Puau Te Moana nui a Kiwa mō ngā tauira me ngā whānau o te kura.

I tītarihia ētahi rorohiko pona ki ngā tauira i te whakarewatanga o te kaupapa hou i te rangi nei.

Ko Manaiakalani te ingoa o te kaupapa e whakamahi ana i ngā rorohiko pona ki te whakakaha ake i nga pukenga tuhituhi, pānui, pāngarau me ngā waiaro o ngā tauira o te akomanga.

Kei a Rapaera Tawhai ngā whakamahuki.