E ai ki te rōpū UNICEF e ngau kino tonu ana te pōharatanga i ngā tamariki o Aotearoa

Ko te pōharatanga tonu tērā e ngau kino ana i ngā tamariki o Aotearoa, te kitenga i te ripoata a te rōpū UNICEF kātahi tonu ka puta.

Nō te tau 2008 kua ōrite te noho o ngā tatauranga pōharatanga, me te mea nei ko ngā tamariki tonu te papa.

Hei tā Unicef, me whai rautaki hōu te Kāwanatanga e kaupare ai tēnei raru nui, mō te tūpono ka hē kē atu, amuri ake.

Kua heke ngā tatau o ngā tamariki pōhara ki Aotearoa mā te kore ira whā ōrau mai i te tau rua mano mā waru, me te whakahē a Deborah Morris-Travers, kaiwhakahaere kaupapa whakahau a UNICEF ki te Kāwanatanga, mō ōna kaupapa here i pēnei ai te kino o taua tatau.

Heoi ko tā minita Whakahiato Ora hōu, kei te manawapā hoki te kāwanatanga i tēnei tatau.

Ko tā Morris-Travers ki te kāwanatanga, whakarewahia te oranga o ngāi tamariki hei take matua i roto i tāna kimi rongoā mō te pōkaikaha ā-ōhanga.

E ai ki te rangahau anō, ko te haumaru-kore o te kai tētahi āwangawanga nui kei Aotearoa nei, te oranga tika me te tohutohu tika i ngā tamariki kia pakari kia tipu pai.  Engari kitea te iti o ngā pēhitanga ki runga i a tātou te tangata.