Kaupapa: Health

E ai ki ngā rangahau, ko te Māori tērā i kaha raru ai i te mate manawa

Wepiha Te Kanawa

E ai ki ngā rangahau mai i tētahi pūrongo a St John, ko te Māori tērā i kaha raru ai i te mate manawa i a rātou i raro i āna manaakitanga i tēnei tau, tōna whā tekau ōrau nui ake i ngā tūroro o iwi kē. E ai ki te rangatira huaora o Hato Hone a Tony Smith me rahi ake ai ngā mātauranga ki ngā marae o te motu.

Kua puta te ripoata a St John e mea ana ko te Māori tērā e kaha kitea ana ki ngā tatauranga mō te mate manawa.

Tata ki te rima tāngata ia rā ka mate i te mate manawa, heoi mā te whakaora manawa, te mihini whakaora manawa rānei ka ora ai te turoro.

E hiahia ana a St John ki te whakatū i tētahi kaupapa whakaora manawa ki runga i ngā marae, kia ako ai te hapori ki ngā pūkenga tiaki turoro.

Hei tērā tau timata ai ngā akoranga ā-marae a St John.