Dame Patsy Reddy named as next Governor General

updated Heta Gardiner

He kai-toko ture, he kaiako ture o mua hoki a Kahurangi Patsy Reddy ka whakakapi ake i te tūranga o Tā Jerry Mateparae hei Kāwana Tianara hōu o Aotearoa.

He hōnore i tae, ohorere mai, kia Kahurangi Patsy Reddy, “I ohorere pai au ki te tono aa te pirimia, mena e hiahia ana au ki te tū hei kāwana, Tianara. Ko taku whakahoki tuatahi, "He aha ai, i tohu mai koe i ahau?”

He kai-toko ture, he kaiako ture ō-mua hoki, aa i tohua hei kahurangi, i te tau rua mano tekau mā whā.

Ko ia hoki te kai-whiriwhiri matua a te Karauna i roto i te whakataunga o ngā kerēme raupatu o Tauranga Moana me Ngā Punawai o Te Toko Toru, arā o Ngāti Rangiteaorere, o Ngāti Rangiwewehi me Tapuika.   

Hei tā Kahurangi Reddy, “Ka mau pū au ki te mana o Te Tiriti o Waitangi, ko ia te tāhūhū e tuitui ana i tēnei whenua.”

Ka piki ki te tūranga ka waiho mai i a Tā Jerry Mateparae.

Me te aha ko tā te pirimia a John Key, he tika me tohua he wahine ki tēnei tūranga, “I whakaaro ake au, he tika me tohua he wahine, hei kāwana tianara.”

“Ko taku āhua, he ōpaki.  He matangareka ahau, e pīkoko ana ki te tūtaki i ngā tāngata hōu. Ko te whakapae ia, e kore e rite taku ōkawa, ki ērā o ngā kāwana tianara o mua, ēngari ko te manako ia, ka mau pū au ki te rangatiratanga, me te mana o tēnei tūranga,” hei tā Reedy.

Ka tohua ōkawatia a Reddy ki te tūranga nei, hei te 14 o Mahuru.