Community Workers not suprised Māori are still worse off

Kāore i te ohorere ētehi kaimahi hapori i te uru o Tāmaki ki te pūrongo hōu a Te Ope Whakaora e kī ana, kei raro tonu te iwi Māori e putu ana i ngā tatauranga ā-motu. E ai ki te pūrongo, kei te tiketike rawa te tokomaha o te hunga mauhere Māori.  Hei tā Shane White, kaiwhakahaere hōtaka hāpai i te hunga e puta ana i te whareherehere, ko ngā mahi a te kāwanatanga kāore i te hāngai ki te whakaheke i ngā tatauranga.

Kāore ngā karu o Shane White mō ngā mahi whakaauraki mauhere, i te paku kimokimo mō te rīpoata hou, e kī ana, ko te nuinga tonu o ngā mauhere i Aotearoa, he Māori, “Te hunga ka hopu i ngā pirihimana, ka tukuna ki roto i ngā kōti, engari, i te mutunga o tērā rārangi i roto i ngā whareherehere ka piki tonu, hanga tonu i ngā whare.”

Hei tāna anō, “E whakapono ana ahau, ko ērā whare kōhatu ehara i te whare whakatika i te tangata. Ko ngāi Māori e kore tāea e tētahi atu te whakatika, i a tāua te iwi Māori.”

Kō tētehi anō māharahara mai i te rīpoata, he rua tekau mā tahi o ngā tamariki i raro i te tekau mā whitu ngā tau, e noho pōhara ana.

E ki ana a Kahurangi June Mariu, “Tino pōuri au mō tēnā, engari, kei te tika tēnā.  Tērā pea kore mahi mō ngā mātua, koinei te mea nui, te mahi kia whai moni kia kore e noho pōhara nē.”

E whakarongo ana te komiti  whiriwhiri mo ngā rātonga Toko I te Ora ki ngā tono e pā ana ki te pire Residential Tenancies Amendment, hei  whakauru i ngā pūoho ahi, kaupare maatao hoki ki roto i ngā whare, engari hei tā te kaikōmihana mō ngā tamariki a tākuta Russell Wills, he ngoikore noa te pire nei ki te whakapai i te oranga o ngā tamariki e noho pōhara ana.

“This is not going to be enough to reduce the 42,000 admissions of children a year with respiratory conditions, and it's not going to make a difference to the 15 deaths a year,” hei tā Dr Russell Wills, Kaikōmihana mō ngā Tamariki.

Ko tētehi o ngāna tohutohu me hāngai te kaupare mātao ki roto i ngā whare ki ngā paearu mohoa nei.