Kei te tū ngā pihi a te māngai take moutere a Will Ilolahia ki te hunga whakapaoho i ngā tukinga rīki ā-iwi moutere i runga i a Foxtel i te whakamutunga wiki nei. Hei tāna, ko te hē o tā rātou whakahua i ngā ingoa o ngā kai-tākaro iwi moutere, he whakahāwea, he takahi i te mana o te tangata me ngā whānau.
He mamae ki te taringa whakarongo, he mamae ano ki ngā ingoa rangatira e whakaparahakotia nei.
“Not only whānau but also their parents and we've had good responses on our PIMA facebook to the extent that some of them have even commented that they turned the volume off and watched the game in silence because of the mispronunciation of names was shocking to them”, hei tā Ilolahia.
Hei tā Te Arahi Maipi he Kaipāpāho Riiki, “Tuatahi he mana ta te ingoa ahakoa Māori ahakoa no ngā moutere ahakoa no whenua kē, kāre i te mea ko tēra tangata anake engari ko tana kāwai rangatira me ēna tu ahuatanga, ara he tirohagna Māori tēra engari he tirohanga tika.”
Ko te tono whakahē, me te wero kia whakatikahia te huarahi anga whakamua hei ta Will Ilolahia.
“After all the World Cup is happening next year and a lot of our teams are participating and we need to get this thing sorted out”, hei tā Ilolahia.
“Ka riria katoa te iwi mena ka whakahua ko Cam Smythe engari hāunga ano ko ngā ingoa o ngā Moutere ka waiho mena ka takahi te whakahua”, hei tā Maipi.
Kua hoki mai he whakautu na Foxtel me ā ratou kupu whakapāha, engari ano mo tēna hei ta Will.
“We have suggested that we're not going to accept that, umm that we're going to suggest that maybe we'll set up some workshops to teach them how to pronounce properly.
Hei tā Maipi, “He whakāro rangatira tena i te mea kei te tipu haere ngā nama o ngā kaitākaro e mau ana i ena ingoa ki roto i tēna whakataetae.”
Ko te tumanako rā kia whakatikahia te whakahuatanga o ngā ingoa kaitākaro iwi taketake i mua o te taenga mai o te Whakataetae Ipu Riiki o te Ao 2017 ki Aotearoa nei.