Kaupapa: ANZAC

ANZAC - Te Kāea te tuarua o ngā ranonga kōrero motuhake

Mere McLean, Rahia Timutimu, Te Kāea

I roto i te whakapāohotanga tuarua a Te Kāea ka whakawhiti atu mātou ki ētahi atu huihuinga whakamaumahara kei ngā tōpito o te motu e whakanui ana i ngā hoia o ANZAC.  

Hei tāpiri ki ngā whakapāohotanga motuhake a Whakaata Māori mo tēnei rā whakahirahira ka whakapāohohia e Te Kāea ēnei ranonga kōrero motuhake ki te motu whānui. 

I tā mātou whakapāohotanga tuarua ka whakawhiti atu mātou ki Whareroa Marae i Tauranga Moana mo nga huihuinga tuatahi mo te rā o ANZAC ki reira. 

Ka tiro atu ano hoki mātou ki te huihuinga nui kua whakahāerehia ki te marae o Te Rewarewa i Ruatoki, a mawhiti atu ki te Marae o Te Mahurehure ki Pt Chevalier i Tamaki Makaurau, i reira i whai wāhi a Kelvin Davis i muri i tōna hokinga ohoere atu ki te rōpu Reipa.

Tapiri atu ka whai hāere mātou i te kaimekemeke rongonui ko Joseph Parker me ōna mahi maumaharatanga mo ngā hoia, ā ka tiro atu hoki mātou ki te huihuinga nui o Merrie Monarch i Hawaii.

Mo te roanga ake o ngā korero, tahuri mai ki a Te Kāea hei te haurua i te rima, hei te whitu ka tōaitia.