Kaupapa: ANZAC

ANZAC - Te Kāea ranonga kōrero motuhake

Dean Nathan, Heeni Brown, Te Kāea

Kei ngā tōpito katoa o te motu ngā kairipoata o Te Kāea e whai wāhi ana ki ngā huihuinga e whakanui ana, e whakahonore ana i te mana, me te kaha o ngā hoia tawhito o ANZAC. 

Ka whakapāohohia e Te Kāea ētahi taipitopito kōrero o te wā mai i ngā whakahonoretanga kua whakahāerehia i te atapō nei. 

Ko te whakapāohotanga tuatahi e āta titiro ana ki ngā nekenekehanga o te karakia nui i whakahaerehia ki Tāmaki Makaurau i te ata nei. I reira ko te hoia rongonui o mua ko Willie Apiata VC me ōna mihi maioha ki ngā hoia mōrehu me tā rātou kaha i roto i ngā pakanga o te ao.  

Ka whakawhiti atu hoki mātou ki ā mātou karere kei Te Whanganui a Tara ki a Ripeka Timutimu, ki Whangarei hoki ki a Dean Nathan mo ngā kōiriiri o ngā karakia moata i aua takiwā.