Kaupapa: Entertainment

Ākuanei ka puta mai te kiriata Māori, The Pā Boys

Wepiha Te Kanawa

Ka piri a Danny, ratou ko Cityboy ko Tau hei pēne takitoru, ko "The Pā Boys" te ingoa.

Ka haere tāhi ratou me ngā hoa wahine, me Jo rāua ki Puti, ka huri hāere i ngā pāpara kāuta ki ngā kainga paku o te Tai Rāwhiti me te Tai Tokerau, ā, ko te whai kia tae atu ki Te Reinga.

Ko ngā tino kaupapa o te kiriata, ko te aroha, te whanaungatanga me te pūmautanga.

Ā, ka aro hoki ki ētahi kaupapa Māori hohonu, pēnei i te makutu me te wairua.

Ka kitea te ātaahua o ngā takiwā o Te Tai Rāwhiti me Te Tai Tokērau i a ratou e toro ana ki ngā taone paku, ā, ka kitea hoki ētahi o te hau kāinga o ia rohe i roto i te kiriata.

E kaingākaunuitia ana ngā waiata o te kiriata, he mea tito nā Warren Maxwell, ā, ahakoa koinei te kiriata tuatahi a te kaiwhakaari matua, a Francis Kora, i angitū hoki ia.

He rua tekau mā waru rā noa te roa kia kapohia ai tēnei kiriata, ā, e mārama kitea ana te poto o te wā i ētahi o ngā whārua i te pūrākau. 

Arā hoki pea he wā ka noho rangirua te hunga tauiwi i ētahi o ngā kaupapa Māori o te kiriata.