Kaupapa: Welfare

25% o ngā tamariki katoa o Aotearoa ka rongo i te pōharatanga

E rua rau ono tekau ma rima mano ngā tamariki e noho pohara ana ki Aotearoa.

E ai ki te Kaikomihana Tamariki, ki a Takuta Russell Wills, kei te noho kuare te motu ki te hohonutanga o te raru.

I te rangi nei whakapuakitia e te komihana te tuatahi o ngā tatau aroturuki mo te rawakore o ngā tamariki i Aotearoa.

He whika kua piki mai i ngā tau waru tekau, ma te tekau ōrau neke atu.

Āpiti atu, ko ngā mokopuna Māori, Moananui a Kiwa hoki, kei te pokea nuitia e taua taumaha, ki era o ngā tamariki Pākehā.

E ai anō ki te pūrongo, kotahi rau waru tekau mano ngā tamariki karekau i a rātou ētahi o ngā tino o te oranga, arā he moenga, he ahi mirimiri, he kai mīti, he hū, he māra kai, he koti ua hoki.

E ai ki te Minita Take Māori, ki a Pita Sharples, he tairo-a-kupe kei te pakangatia e rātou.

E ai ki te Komihana Tamariki, me puta te karanga i te iwi whānui, arā, me noho ko tēnei te aronga nui.

Kāti, ka whakapuakitia ngā pūrongo nei ia tau mō ngā tau e rima kei tua, e kite ai tatou i te aro nui, kahore rānei.