Kaupapa: Te Reo Māori

2.4 miriona tāra te pūtea Reo Māori ka tohaina hei whakamana i te reo Māori

Te Kāea

He 2.4 miriona tāra te pūtea ka tohaina e Te Taura Whiri i Te Reo Māori ki ngā kaitono 85 mō Mā Te Reo.

E ai ki te pānui papāoho a Te Taura Whiri, ia tau ka  tukuna e rātou he pūtea tautoko mō te reo ki ngā hapori, ngā whānau, ngā hapū, ngā Iwi me te maha noa atu o ngā rōpū hei whakaora i te reo me ōna tikanga, ko tēnei wāhanga tuku pūtea mo te tau 2014/ 2015 hoki.

E ai ki te pānui he 43 ngā Wānanga Reo, e 8 ngā Rautaki Reo , e 5 ngā Kura ā Iwi, 18 ngā Kaupapa, Whakatairanga, he 13 ngā kaupapa Rauemi Reo ka whiwhi wāhanga o te pūtea tautoko $2,439.534.00.

Hei tā te Tumuaki Kairīwhi a Tākuta Poia Rewi, “He pai rawa te taumata o ngā tono ka taetae mai." 

Ko Te Reo Wainene o Tua he kaupapa pūrākau Māori i whai pūtea i te tau 2013 i whakaora i te mahi kōrero pūrākau i roto i te reo ki te hunga tamariki.

which reintroduced the art of storytelling in Māori to children through fluent kaikōrero Māori using familiar words and animated actions to tell stories.