Whaikōrero

He mea tuku iho, he kaupapa whai take i roto i ngā tikanga Maori te whaikōrero. He ao tapu te tirohanga ki te whaikōrero, ā, he ruarua noa iho o te maha ka eke ki te tino taumata. Me pēhea e noho hāngai ai, ka mau tonu ai ki tōna āhua tapu? Ia Rāhina, 10.00 i te pō.

TV show sub navigation

Mātakihia

Ataata Whaikōrero.

Whaikōrero, 2 Ūpoko 2

He mea taketake, he kaupapa nui i roto o ngā tikanga Māori te Whaikōrero. He pērā tonu i ēnei rā, engari e ai ki ētahi he nui ake ināianei, inā hoki kua nui ake ngā wero e pā ana ki te ao Māori.

Whaikōrero, 1 Ūpoko 12

I tēnei hōtaka whakamutunga o Whaikōrero, ko Hone Sadler rātou ko Paraone Gloyne, ko Te Poroa Malcolm, ko Anaru Martin ngā kaikōrero. Ka anga whakamua te titiro ki te āhua o te whaikōrero o anamata. (WHAKAMUTUNGA)

Whaikōrero, 1 Ūpoko 10

Ko Te Ripowai Higgins rātou ko Turuhira Hare, ko Te Kahautu Maxwell, ko Waldo Houia ngā kaikōrero i tēnei hōtaka, ā, ka kōrerohia e rātou te wāhi ki te wahine i roto i ngā mahi whaikōrero.

Whaikōrero, 1 Ūpoko 7

Ka kōrerohia e Chris Winitana rātou ko Piri Sciascia, ko Awanui Black, ko Kingi Kiriona ngā huarahi e ū ai tētehi whaikōrero ki te hinengaro me te whatumanawa o te hunga whakarongo.

Whaikōrero, 1 Ūpoko 6

Ko Huirangi Waikerepuru rātou ko Poia Rewi, ko Che Wilson, ko Pouroto Ngaropo ngā kaikōrero, ā, ka whakatewhatewhangia ko wai te hunga e tika ana kia tū ki te whaikōrero.

Whaikōrero, 1 Ūpoko 5

I tēnei hōtaka ko Rāhui Papa rātou ko Lewis Moeau, ko Te Wharehuia Milroy ngā kaikōrero. Ka matapakihia e rātou te āhua o tā te kaikōrero whakaraupapa i tana whaikōrero.