Wairua

Ka whakamātau a Wairua ki te whakamārama i ētahi o ā tātau pātai maha mo ngā wairua me te ao wairua. Ia Rātapu, 8.30 i te pō.

TV show sub navigation

Ngā wāhanga

Tahi – He aha te wairua?
Ka kōrerohia te kaupapa kātahi ka whakautua te pātai e hāngai ana ki te ao kōhatu, tae noa mai ki tēnei wā. Ka rongohia ngā whakamārama mo te taha wairua o te tangata, me te taha wairua o ngā mea katoa, o ngā wāhi katoa.

Rua – Te iwi wairua / tamariki
He kaupapa nui tēnei e pā ana ki te wairua o te tamaiti ka mate kahu ana, ka taka noa ana, ka whakatahea rānei.

Toru – Te iwi wairua / Patupaiarehe
He wāhanga tēnei mo ngā kōrero o te ngahere e pā ana ki te iwi wairua. Ka kōrero te hunga kua rongo, kua kite hoki i ngā tohu e mātua mōhio ai rātau kei te tinihanahia rātau e te iwi wairua nei, otirā me a rātau kōrero whakamaarama i puta ai rātau i te ngahere.

Whā – Moemoeā /ariā
Ka tirohia ngā momo whakakitenga ka ahu mai i te moemoeā, otirā ka kōrerohia mehemea he tohu whakatūpato mo tētahi raru kei te haere ake, mo tētahi pēhitanga rānei. He whakakitenga pea mo tētahi kaupapa, he tuku kia rere tō wairua ki wīwī, ki wāwā karore haere ai, he puta mai rānei ki waho ake o to tinana.

Rima – Matakite / Tohunga
Ko te ‘mata-kite’tētahi o ngā taonga tuku iho a ngā Tohunga Matakite o te ao kōhatu, ki ngā uri whakaheke, engari he momo tangata anō ka tohua ki ēnei tūnga. Ka kōrerohia tōna takenga mai tae rawa ki tēnei wā.

Ono - Mākutu / Mate Māori
Ka puta ngā kōrero a te hunga mātau, mo te Mākutu me te Mate Māori. E kiia ana ma te whakaaro kino ki tētahi atu e tau atu ai te mākutu ki runga i a ia, kātahi ma te Tohunga rawa e hiki tērā āhuatanga kia kore ai e pokea e te Mate Māori.

Whitu – Te Whakawhiti ki tua o te ārai
Ka kōrero tētahi o ngā kaikōrero mo tana ohonga ake i tua o te ārai, ka titiro whakamuri ki tōna tinana kua taamia kē e te rākau. Ka kōrerohia te āhua o te whakawhiti i te wā e taumaha ana, me te hunga ka kite rātau i reira i tua o te ārai. I tuhia he waiata hei whakanui i tēnei āhuatanga.

Waru – Te ao o te hunga mate
He maha ngā kōrero mo te ao o te hunga mate, mai i te rohe o Hinenui to pō, tae atu ki ngā taumata o te rangi.

Iwa – Kēhua
Koinei tētahi o ngā tino kaupapa mehemea kaore e kōrerohia, kaore hoki te nuinga e maarama ki te take i noho ai ētahi o ngā wairua hei kēhua. Aro mai koa ki ngā whakamaarama a ngā kaikōrero.

Tekau – Mate Māori / Wairangi
Ka kōrerohia ngā take e pā ana ki te mate Māori me ngā whakawhiunga ka pā, tae atu ki ngā momo whakahaumaru hei ārai atu. He kaupapa ihiihi te mate wairangi, otirā ka whakaohoohohia ngā matakitetanga o tēnei hunga.

Tekau Ma Tahi – Hauora Māori
Ka kōrero ngā kaiwhakaora mo te manaaki i te wairua o te tūroro i roto i ōna māuiuitanga. Ka whakaatuhia ētahi momo whakaora, whakawātea hoki i raro anō i te mana o ngā atua me o rātau kaitiaki.

Tekau Ma Rua – Taonga
He taonga tapu, he taonga tawhito, he taonga tuku iho, no tuawhakarere. He aha rawa ngā tikanga e pā ana ki ēnei taonga.

Tekau Ma Toru – Wāhi Tapu
Rongohia ana te ihiihi o ngā wāhi tapu o te whenua. He whenua e kore e taea te haere poka noa.

Tekau Ma Whā – Kaitiaki
He maha ngā momo Kaitiaki e manaaki ana, e awhi ana i a tātau. Ko ētahi, he taniwha, he tipua, he anahera anō hoki.

Tekau Ma Rima – Wairua
Kikii ana te wao nui ā Tāne i te Wairua. momo. He reo motuhake to ia momo. He maha ngā kōrero a ngā kaikōrero, mo te Wairua.

Tekau Ma Ono -   Te Wairua Tapu
Kā puta ngā kōrero mo te Wairua Tapu, te Wairua Atawhai, ngā Poropiti Māori me a rātau kupu whakaari me te taha ki te iwi Māori o Aotearoa.