Tao

Hono mai ki ā Manawa Wright i tana hīkoi ki te ao kai hauora, penapena pūtea i roto i tēnei hōtaka hou ā Whakaata Māori, ko TAO.

TV show sub navigation

Ngā kōrero

Hono mai ki ā Manawa Wright i tana hīkoi ki te ao kai hauora, penapena pūtea i roto i tēnei hōtaka hou ā Whakaata Māori, ko TAO.

Ka haere a Manawa ki ngā whare o ngā rangatahi rerekē ia wiki me ngā tohutao reka, kii i ngā kai tōtika e whaihua ana mo te whānau katoa.

Ka taohia ngā tūmomo kai ia wiki, mai i te parakuihi ki ngā purini, ngā kai pōkeka ki ngā wā mīharo, ka tāpiri atu hoki i ngā tohutohu ā Tipi! Ka tautokohia a TAO e ngā tohutohu kai tōtika ā Noella Taiapa, he Clinical Nutritionist mai i Ngāti Porou me Rongowhakaata. He tauira kua eke ki te taumata, mai i ana akoranga i Wellpark Natural Health College i Grey Lynn, he Mātanga Kai Tōtika a Noella, he kairangahau hoki mo te hōtaka tao kai rangatahi, a TAO.
He wawata kua ea a TAO, i te wā hoki o taku tauiratanga i whakaaro ahau mo te painga ki te hanga i tētahi hōtaka o ngā kai tōtika mo to tātou iwi whānui.

He kaiwhakapono a Noella o te kōrero “mā ngā whakarerekētanga iti ka puta ngā whakarerekētanga nui’, ā, ko te tūmanako ka whai wāhi ā tātou rangatahi ki te ako me pēwhea te tunu kai hauora, iti te utu, reka, māmā hoki ki te whakarite.

He whakaaturanga oranga anake ngā pānuitanga me ngā marau hauora kei runga i te paetukutuku nei, ehara i te whakakapi mo ngā tohutohu a te rata, te whakatau mate, te rongoā rānei. Kaua e whakawhirinaki anake ki ngā pārongo kei runga i te paetukutuku nei mō ngā hiahiatanga ā-hauora. Me tono katoa ō pātai hauora ki tōu ake rata.