Tao

Hono mai ki ā Manawa Wright i tana hīkoi ki te ao kai hauora, penapena pūtea i roto i tēnei hōtaka hou ā Whakaata Māori, ko TAO.

TV show sub navigation

Manawa rāua ko Noella

Manawa Wright
Tēnā koutou katoa, ko Manawa Wright taku ingoa. He uri no Ngāti Rangitihi, Ngā Ruahinerangi, Ngāti Te Kohera, Ngāti Whaita me Ngāi Tamate Rangi. Ko taku whānau tōku ao. Ko taku whāea, taku matua, aku tuakana/teina e whitu, taku whānau ā-Kura hoki. He tama kaingākau ki te waka ama me te whutupōro, ko te hōtaka “Kia Ora Nihao” te pānga tuatahi ā Manawa ki te ao whakaata i Beijing, Haina. He kaiwhakataki mo te hōtaka hou tunu kai, a TAO, ā, he rawe ki a Manawa te āwhina i ngā rangatahi kia hoki anō ki ngā kai tika mo te hauora, mā te whakaako i ā rātou ki te tunu kai!

Noella Taiapa
He mātanga Clinical Nutritionist a Noella nō Ngāti Porou me Rongowhakaata. He tauira toa mai i te Wellpark Natural Health College i Grey Lynn, ko Noella te Mātanga Kai Hauora, me te kairangahau mo te hōtaka tunu kai, TAO, mā ngā rangatahi. He wawata kua ea a TAO, i te wā e tauira tonu au ka whakaaro au mo te painga o te hanga i tētahi hōtaka kai hauora ma te iwi. Whakapono ana a ia ki te kōrero, “mā ngā whakarerekētanga iti ka puta ngā whakarerekētanga nui”, ko te tūmanako ā Noella, mā TAO, ka whai wāhi ngā rangatahi ki te ako me pēwhea te whakarite i ngā kai hauora iti te utu, reka, māmā hoki ki te mahi.