TV show sub navigation

Episodes 1-13

Subtitled;

Hei tenei wiki ka whatoro atu a Mere McLean ki Waikirikiri i Ruatoki, ki te kainga o Rapaera Black.  Ka hikoi, ka korero hoki i nga tikanga me te ahua noho a te iwi ki tenei wharua o Ruatoki.


Haere ake ra a Mere ki Ngahina i Ruatoki ki te toro ki tetahi o nga whaea, ko Mare Turnbull; he Kaiako i nga Kura Maori i nga tau ki muri.  Ka korero ra i nga ahuatanga a te mahi kaiako, a, ka puta ano hoki ki tana maara kai kia kite ake ai i nga hua o te whenua.


Ahu atu ana a Mere McLean ki Te Urewera, ka tae ki te kainga o Tahae Doherty.  Ka riro ma Tahae hei arahi ki ro ngahere me te whakamarama i nga rakau Māori e tu ana ki te wao, ko etahi ka nuku atu i te tahi rau tau te pakeke.


Ka tutaki atu a Mere McLean ki a Hinerangi Goodman, Kai-Ripoata mo Te Karere.  Ka whakamarama atu a Hinerangi i te ahua noho ki Ruatahuna me nga awhina a Te Reo me nga Tikanga hei whakakaha i a ia i roto i ana mahi papaho Maori.


Hei te wiki nei ka tae atu a Mere McLean ki Taneatua, ka toro ki te Minita Perehepetiriana o reira, ko Tamiana Thrupp.  I te haere ia ki te whangai i ana kawhe, na reira, ka haere hoki a Mere ki te awhina.


Ka mawhiti ra te haere a Mere McLean ki Waikaremoana ki te marae noho a te Tohunga Ruahine, a Rose Pere.  Ka rongo ake ra a Mere ki nga kawenga tikanga a nga Tohunga o Tuhoe i nga rau tau kua mahue ake nei.


Ka whatoro atu a Mere Mclean ki Waiohau ki te tutaki ki a Rita Tupe e whakamarama ana i ana mahi rongoa Māori. 


Ka hoki ano Mere McLean ki Waiohau, ka ka topa atu ki te marae, ki a Tipene Biddle e korero ana mo te ora o te reo Māori i waenga i te taiohi.


Ka mawhiti ra te haere a Mere McLean ki Whakatane ki te tutaki ki a Roka Pukepuke, he kaiako no te wananga e whakamarama ana i te ora o te reo i roto i te matauranga Māori, matauranga Pākeha hoki.


Ka u atu ra a Mere McLean ki Waimana, ki te taha o Hohepa McLean e korero ana mo te ahua o te whakapono Māori ki roto o Ngai Tūhoe.


Ka ahu atu ano a Mere ki Waimana, a, ka tutaki atu ki a Kero Te Pou i tana kainga.


Ka tutaki atu a Mere McLean ki Te Toka Temara e whakamarama ana i te ahua noho a era o Ngai Tūhoe kei waho o tona rohe potae.


Ka hoki atu a Mere McLean ki uta, ki Ruatahuna ki te kainga o te minita Perehepetiriana, a Hariata Haumate.  Ka whakamarama ra ia i te taenga a te Haahi ki tenei rohe me ana mahi ki waenga i te iwi.