Mahinga Kai

Ko ngā tikanga mahi kai a ō rātau tūpuna e kawehia ana e ngā whānau o Ngāi Tahu, he tirohanga tēnei hōtaka ki ō rātau oranga. I hangaia mā te tautoko a Irirangi te Motu

TV show sub navigation

Mātakihia

Ngā ataata Mahinga Kai.

Mahinga Kai, 1 Ūpoko 2

He nohanga ki ngā momo pātiki kirikiri, puku kowhai me ngā mea pango, koirā a Te Waihora, e mōhiotia ana ko Te Kete Ika ā Rākaihautū, he rohe whiwhi i ngā rawa huhua mā ngā iwi i mua.

Mahinga Kai, 1 Ūpoko 4

I ngā wā rapu kai a te Māori ō mua i ngā arawai o Te Waipounamu, ko te mōkihi, mogi rānei te waka whai take. Nā te ngākaunui o ngā tāngata pērā ki ā Joe Wakefield, ka noho ora tonu ngā tikanga taketake e pā ana ki te mōkihi.

Mahinga Kai, 1 Ūpoko 5

Kei raro i te kaitiakitanga o ngā ture tikanga kaimoana ināianei, i ngā wā ō mua, mapu ana te pāua i te takutai o Karitane, Ōtepoti. Hei painga mō rāua ko ō rāua whānau, he kohara nui tō Khyla Russell rāua ko Brendan Flack ki te tiaki, ki te whakapiki i te hauora me te huhuatanga o te pāua.

Mahinga Kai, 1 Ūpoko 6

He mea mīharo te kite i te hekenga ā-tau ā ngā tuna mai i te Roto o Wairewa, ka totoro ana ngā tuna kōkopu i te kirikiri kia tae ai ki te moana. Ka āhei te hapori Ngā Tahu ki te kari koiawa, ka hopu ai i ngā mea tōmuri rawa ki te puta.

Mahinga Kai, 1 Ūpoko 7

He pū kai e whāngai ana i ngā hapori, matomato ana te tupu o te Tī Kōuka i Waitaha ki te Tonga. Ka heria tātau e Karl Russell, māngai mō Mahinga kai, ki te tirotiro ki ngā āhuatanga katoa e pā ana ki tēnei kai matua o mua.

Mahinga Kai, 1 Ūpoko 8

Ka mahi rongoā taketake a Maurice Manawatu. Ko tāna he ārahi i ngā rōpū kura i te nehenehe nui o Kaikōura, ka whakaatu me pēhea te mahi rongoā taketake mā ngā otaota ka kohia e rātau.

Mahinga Kai, 1 Ūpoko 9

Nō Te Tai o-Poutini i Te Waka ā-Māui, a Paul Wilson. Puta noa i tōna whakapapa te mahi hopu īnanga, ā, ko te awa anake te oranga e hiahiatia ana mōna me tōna whānau, kei te toto e rere ana! Ka whakaatu mai te whānau Wilson i tō rātau hononga ki tēnei rohe motuhake, i ā rātau e tatari ana mō ngā īnanga.