TV show sub navigation

Ngā Kaiwhakataki

Te Aroha Paenga (Hauraki, Ngāti Porou, Ngāti Konohi, Ngāti Rangi, Ngāti Kahungunu)

Nā tōna kuia a Nunu a Te Aroha i whāngai, i whānau mai a Nunu i te tau 1901. Kua roa a Te Aroha e penapena ana, e ako ana i te reo Māori, e whakawā ana hoki i ngā reanga katoa o ngā whakataetae haka. Ko ia tētahi o ngā ringa āwhina mō te whakataetae haka ā-motu tuatahi i tū ki Rotorua i te tau 1972, ā, ka haere te wā ka uru atu a ia ki te rōpū tuatahi ki te whakatū i te Kōhanga Reo tuatahi i te marae o Hoani Waititi i te taha o Pita Sharples rāua ko Katarina Mataira. He pou awhi anō ia i te whakatūnga o te marae o Hoani Waititi. I nāianei kua hoki anō a ia hei kaiako i te Kōhanga Reo o Hoani Waititi.


Mihiarangi Wihongi: (Ngāpuhi Nui Tonu)

I te rautau 1940 i te rohe o Awarua, ka whānau mai a Mihiarangi i raro o te rākau tōtara. I whāngaihia a ia e tōna kuia, e Hariata Kemp Tauaraia Mere Kaihe Te Wheua, he kuia i whānau mai i te tau 1888. Nā runga i tēnei whakatipuranga me ngā tohutohu i waenga o te kuia me te mokopuna, ka pakeke ake a Mihiarangi hei wahine ā-iwi, wahine matatau ki tōna ao Māori, he ao nui ki tōna ngākau. I puta a ia i te Whare Wānanga o Tāmaki me te tohu Māori. I tēnei wā kei Mason Clinic a ia e mahi ana hei Kaitaurima Mate-Hinengaro Māori.