TV show sub navigation

Kawe Roes

TE HAURONGO A KAWE ROES

I tupu ake a Kawe Roes i te Rohe Pōtae o Kīngi Tāwhiao he uri ia nā ngā tūpuna nā Rereahu rāua ko Maniapoto, he karangatanga hoki ōna ki Ngāi Tauiwi.

Nō te tau 2008, tīmata ake ai ia i te irirangi reo Māori o Maniapoto, hei pouwhakapāoho i te wāhanga parakuihi, nā wai rā, ka tau ōna waewae ki te irirangi reo Māori o Te Upoko o te Ika i Te Whanganui-a-Tara hei poukaiwhakahaere hōtaka, hei pouwhakataki pūrongo anō hoki.

Kei te pupuru a Kawe i te mana o te pae kōrero i Mangapēhi kia kawea tonutia e ngā uri o Ngāti Rereahu me Ngāti Maniapoto, ngā kōrero me ngā mahi tuku iho a kuia mā, a koro mā. 

He manawanui ia ki ngā rerewē, te pūtaiao, me te ahurea Māori.  Nō te tau 2016, kua noho ia hei pouwhakataki i te hōtaka o Kawe Kōrero Reporters i Whakaata Māori.

Ōwhiti ōī-ē!  Tihei!