TV show sub navigation

Mentors

Introducing Mentors for The Kapa.

Rob Ruha
Mai rānō a Rob e tū ana i te ao haka. I pakeke mai ia i te papakāinga o tōna whānau i Wharekahika, i te taha o ōna whāea kēkē, matua kēkē me ōna uri. Ināianei ka tū katoa rātau mō Te Whānau ā-Apanui. Ko tētahi mea hira o tana ao haka, ko te uru atu ki te Karapu Māori ō Waihīrere. Ahakoa e rua noa iho ana tau i tērā kapa, he maha ngā mea i akongia e Rob e pā ana ki te whai angitū i ngā tauwhāinga haka, ā, i whai tohutohu nui a ia mai i ngā tohunga o tērā ao, otirā, i ēnei rā ka whakaakohia e ia ērā tohutohu.


Dan Vaka
I whānau mai ā Dan ki te ao haka. E ai ki tāna i te mau piupiu a ia i tōna taenga mai ki te ao. Ka tū a ia mō Ngāti Rangiwewehi mō te nuinga o tōna oranga, engari mō te wā poto i tū a ia mō Waihīrere, te whānau o tōna hoa rangatira. I te wā i tū a Dan mō Waihīrere, i toa rātau i ngā whakataetae ā-motu i tū ki Tāmaki Makaurau 2002. I ēnei rā ko ia te kaiako, te kaitātaki tāne mō Ngāti Rangiwewehi. Arohanui a Dan ki ngā mahi haka i te mea e houkawe ana ia ki te whakaatu i ā tātau tikanga ki te ao.
 

Puka Moeau
I te ao haka, kua whai angitū a Puka puta noa i te motu, i ngā whenua maha o rāwāhi hei kaihaka, kaiārahi, māngai. He tohu tana tūnga hei kaihautū mo Rangimārie ki ana pūkenga mō te whakatutuki i ōna wawata. Kei tana kete mātauranga ko ngā mahi Ture, Tauhokohoko, Whakahaere, Kaihautū, Wānanga Māori me Ngā Mahi ā Rēhia, nā ēnei taonga ka āhei a Puka ki te arohaehae take puta noa i te ao whānui.
 


Kahurangi Maxwell
I puāwai te ao haka o Kahurangi i waenga o te kapa o Ngāti Rangiwewehi, otirā, ko ōna mātua ngā kaiārahi o te kapa mō neke atu i ngā tau 30. Ka tū ia hei kaitātaki, kaiako mō Ngā Uri o Te Whanoa, he kapa ā-whānau. Kua tū ia mō Te Roopu Manaaki, he kapa nō Te Kura Tuarua o Western Heights. Kei te Whare Wānangā o Awanuiārangi ia e mahi ana mō te Tohu o Ngā Mahi ā-Rēhia.
 


Tiria Te Kurapa (Rongowhakaata,Tūhoe)
I pakeke mai a Tiria i te ao haka. Tōna waimarie i atawhaihia a ia i te ao o ngā mahi ā Rēhia. Ko Waihīrere te kapa, ko George rāua ko Tangiwai Ria ngā kaiako, nā rāua hoki i poipoi tō rāua irāmutu. Ā muri o ngā whakataetae kapa haka ā-motu o te tau 2000, i uru atu a Tiria ki Te Waka Huia, e hiakai nōna ki ngā tohutohu ā Aunty Nen, a.k.a Pimia Wehi, me Koro Bub, a.k.a Ngapo Wehi. Kei roto ia i te kapa o Tū Te Manawa Maurea mai i te tau 2008.
 


TuirinaTuirina Wehi
Ko te haka te ao o Tuirina mai i tōna whānautanga, ā, mai i te tau 2005 kua tito waiata, kua whakaako, kua whakaritea ngā nekehanga mō Te Manu Huia. I tū a ia mō te whakaari The Whale Rider, kua tū, kua mahi hoki i runga i a Māui: One Man Against the Gods, i roto hoki a ia i te whakaari Arohanui: The Greatest Love, i runga tētahi o ana whakaritenga, ko ‘Waerenga-ā-Hika’. I tū anō a ia mō Mau Dance Company i roto i a Birds with Skymirrors.