TV show sub navigation

Ngā Kaiwhakataki


JENNY-MAY COFFIN, Ngāti Tūwharetoa. 
Ko a ia te here e whakakotahi ana i te whānau ō #teamCODE, kei ana pūkenga te tohu ki ngā mahi ka tareka e ia, mai i te āpiha o te ture ki te kaitākaro mō ngā mauku hiriwa, ki te kaiwhakataki hākinakina me te kairipoata, he autaua reo Māori hoki ia. Ko Jmay tōna ingoa ki te nuinga, ā, ko Jenny-May Coffin te kahurangi o CODE.



LIAM MESSAM, Ngāi Tūhoe.

He nui ake te mana o te mahi ki tērā o te kōrero, he tairitenga tika tēnei mō Liam Messam, kaitākaro mō te kapa Chiefs, he tangata iti te kupu. Kua toka tana tūranga i rō kapa #teamCODE i te mea kei i ā ia te mana, te maneatanga me te kaha ki te whakakotahi i te whānau #teamCODE.


WAIRANGI KOOPU, Te Whānau-ā-Apanui.
Ko Wise Guy ki te nuinga, ka kawea mai e Wairangi Koopu ōna ngutu atamai me ngā mahi pukuhohe ki te kapa #teamCODE. Ka noho tēnei kaitākaro riiki tawhito hei kaikōrero i te taha o Jenny-May i tēnei tau.



MARIA TUTA’IA, Samoa.

He whetū i te ao Poitarawhiti ō Aotearoa, ko ia hoki te kaiwhakataki wahine tuatahi nō ngā moutere i runga i a #teamCODE. Atu i tōna kaha ki te whakaniko i te tirohanga ā-wahine, ka kawea mai hoki e ia te hā o te moana nui ā-Kiwa ki te kapa.



FRAN KORA, Ngāi Tūhoe, Ngāti Pukeko, Ngāti Awa.

Atu i tana kaingākau ki te retingaru me te Jiu Jitsu Brazillian, kua roa hoki a Fran Kora e whakangahau ana i te minenga huri noa i Aotearoa me te ao, ko a ia hoki te kaiwaiata matua o te rōpū pūoro, Kora. Nā tōna kaha ki te kawe i te wero, ko Fran te tangata tūturu mō te taha ki ngā kaiwhaiwhai o #teamCODE.


KONRAD HURRELL, Tonga
Ka kawea mai e Matua Whakangahau o ngā NZ Vodafone Warriors ngā mea pukukata ki #teamcode. He pukumahi i te papatākaro, he pukuhohe i ētahi atu wā, ka haria mai e ia te wero Hurrellcane me ētahi atu kōrero whakakatakata ki te Kokona ā Koni.