Marae DIY

Ko te wāhanga tekau mā rua mō tēnei hōtaka whakatikatika marae huri noa i te motu.

TV show sub navigation

Ngā kaiwhakataki

image of AIA Marae DIY presenters, Te Ori Paki, Ria Hall, David Clayton-Greene, Harrry Anneff

Te Ori Paki – Tūwharetoa, Tūhoe, Tainui

Ko Marae DIY te tīmatanga o ngā mahi kaiwhakataki ā Te Ori, ko rāua anake ko David Glayton-Greene ngā kaimahi kei te toe mai i te wāhanga tuatahi. I mua, ko Te Ori anō te kaiwhakataki mō Kupuhuna, i runga i Whakaata Māori. I kuraina ia i te kāinga, ko te reo Māori te reo ka whakamahia, ā, e rima tana pakeke ka ako ia i ngā mahi ā-Rēhia. Ko te hono ki tōna whānau i te rohe o Taupō tētahi mea nui ki ā ia i te wā karekau a ia i te mahi.

Ria Hall – Ngāi Te Rangi, Ngāti Ranginui.

He matatau a Ria Hall ki te reo Māori, he kaipūoro, kaitito waiata i whānau mai i Tauranga, i noho ia ki Tāmaki me Ahitereiria, ka tau ki te Whanganui ā-Tara. I reira ka whakauru atu ia ki te ao pūoro. I pakeke mai ia i te ao kapa haka, he kaiwaiata mō te rōpū reggae a Hope Road, he kaiwaiata i te rōpū ā Hollie Smith me ngā pō ngahau huinga anō ā Trinity Roots. Mō te whakatuwheratanga o te Ipu Whutupōro o te Ao 2011, i waiatatia e ia te waiata ‘World in Motion’. He nui ngā wā kua kitea a Ria i runga pouaka whakaata, koinei tana wā tuatahi hei kaiwhakataki. He whanaunga hou mo te whānau DIY.

David Clayton - Ngāti Pākehā - Kaiwhakapai Whenua

Ko David tētahi o ngā tokorua kei te toe o te kapa tuatahi o Marae DIY, ko Te Ori Paki tētahi atu. Kua whakapau werawera a David mō neke atu i ngā tau tekau kua pahure mo te kaupapa. He tangata ngākaunui ki te kaupapa, e ai ki tāna he hīkoi whakahura nui mōna ake i te mea he Pākehā ia. I ngā wā karekau a David i te mahi mō AIA Marae DIY, ka whakahaere a ia i tana pakihi whakapai whenua.

Harry Anneff - Ngāti Ruanui Kaihanga

Kua toka kē te tūnga o Harry hei kaihanga mō AIA Marae DIY. Koinei tana tau tuawhā, ā, kei tōna haukāinga i tēnei wā. Ka kawea mai e ia tōna āhua ngāwari, ngākaunui hoki ki te kaupapa. E whakatau ana a ia kia nui tonu ngā mahi me oti i ā i roto o ngā rangi e whā. E 20 tau a ia i roto i tēnei ao mahi, otirā kātahi anō a ia ka whiwhi i tana tohu kaiako.