Kāore anō kia mōhio he aha ngā paitini i roto i te hāroto o Pandora

Aroha Treacher
  • Te Tai Rāwhiti

Kei te whai whakautu te mana whenua o Pandora i Ahuriri nā te nui o ngā paru i pokea tō rātou kapata kai he waahi i muia e ngā tāngata mō te kaukau. Heoi, ko tā tētahi māmā koira te take i māuiui ai tana tamāhine tekau mā tahi ngā tau. 


Tata ki te toru wiki e kore e tāea te kaukau i kōnei, nā whai anō kei te tipu ngā maharahara o te mana whenua.
 

"Ko tā mātou, me maatua aro ki te kounga a te wai," tā Te Kaha Hawaikirangi.


Ko ngā hapū o Tutaekuri tētahi o ngā mana whenua e whitu i Whanganui a Orotū, kei te mahi tahi rātou me ngā kaunihera ki te whai māramatanga o ngā paru i te wai.
 

"Kei te aro pū mātou ki ngā whakamātautau kia mōhio ai tātou he aha te raru kia tika ai mō ngā rā kei te heke mai," tā Hawaikirangi.
 


Heoi, kua tae tūreiti mai te pānui whakatūpato tūatahi i te rua tekau mā tahi o Pepuere mō Ali Beal me tana tamāhine, tekau mā tahi ōna tau, i reira aia me tōna kura, kātahi rā ka pā te māuiuitanga ki aia.
 

"He torohī tōna mō ngā rā e waru ki te tekau, kua mamae te puku, kāore ia i te hari," tā Beal.


Ko tā te whare hauora, kōtahi noa iho te tangata kua tukuna mai e te tākuta, me te tokomaha hoki o ngā tāngata kua māuiui kāore kau he hononga ki ngā paitini o te hāroto.
 

"He oruātanga tērā, itemea, tokomaha o āna hoa kura i mate e te māuiui, hei ngā rā rua hoki, i ruaki tētahi atu anō tamaiti, kāore tērā i te tika, kāore hoki te DHB i whakapā mai ki āhau," tā Beal.
 


Mai i te tuatahi o Hanuera i te tau rua mano tekau mā ono, e toru ngā wā i eke marika ngā paitini i te hāroto, heoi ko tā rātou, kei te kaha whakamātautau rātou i te wai ki te whai whakautu.