He Tauira Rauemi ā-Kaihautū

Ka tautoko a Whakaata Māori i ngā hōtaka e whakahaumanu ana i te Reo me ngā Tikanga Māori. He tauira tēnei mā ngā kaihautū hiahia ki te tono ariā hōtaka ki a Whakaata Māori.

He tuhinga te kaupapa tono e whakaatu ana i te ariā o tētahi hōtaka hei whakaarotanga mā Whakaata Māori. Anei ngā tohutohu ki te tuku kaupapa tono ki a Whakaata Māori.

  1. Te WhakaaroExpand

    Ko te whakaaro te wāhanga tuatahi o te kaupapa tono. He tuhinga rāpopoto o te ariā mō te hōtaka tēnei, e rua ngā whārangi. Me whakauru atu ngā kaimahi, te utu, te hunga mātakitaki e whāia ana, me te wā whakapāho tika mō te hōtaka. Me tāpiri atu te whakaaro ki te whārangi mokamoka ā Whakaata Māori.

    Tonoa mai tō whakaaro ki: proposals@māoritelevision.com.

  2. Kaupapa TonoExpand

    Ka tirohia e to mātou rōpū kōmihana ngā whakaaro, e kohuki ana mō te kounga o te ariā, te rautaki mo te Reo me ngā Tikanga, te utu, te kaingākau o te hunga mātakitaki, ngā wheako mō te kamupene me te uara ki te rārangi hōtaka. O ngā whakaaro ka whai angitū, ka inoihia atu rātou mō ngā kaupapa tono matawhānui.

    He tuhinga ā-mokamoka katoa kei roto i te kaupapa tono matawhānui. Me uru atu he tātaritanga o te takotoranga me te hanga o te hōtaka, he mahere Reo Māori, he tahua me tētahi rārangi hōtaka whakanaonga. Tirohia ngā aratohu i raro nei.

    O ngā tuhinga ā-mokamoka ka whai angitū, ka tukua atu e ngā Kaikōmihana o Whakaata Māori he reta tautoko mō ngā tahua pūtea. Mā tēnei reta e mātua whakarite kei te tautoko tūturu mātou (te kaiwhakapāho) i te hanganga o te hōtaka, ā, ka whakapāhohia i te taenga mai ki te teihana. Ka hoatu pūtea anake a NZOA me TMP ki tētahi kaupapa kua whiwhi tautoko whakapāho mai i te kaiwhakapāho.

  3. Tahua Pūtea/KirimanaExpand

    Neke atu i te haurua o ngā hōtaka ā Whakaata Māori ka hangaia e ngā rōpū hanga hōtaka o waho hei whakapāho i runga i Whakaata Māori.

    Nā Te Māngai Pāho me Irirangi te Motu ngā pūtea tautoko ki te hanga i ēnei hōtaka. Ka tūhono a Whakaata Māori ki ngā wāhanga whakawhiwhi pūtea a te māngai tahua pūtea.

    Kei raro nei ngā wāhanga whakawhiwhi pūtea mō ia māngai tahua pūtea. Ka puta i a Whakaata Māori he inoi mō ngā kaupapa tono. Ki te whiwhi i ēnei inoi, tonoa mai he imēra ki proposals@maoritelevision.com ka rau i ngā kupu ‘pānui mailer’ ki te whakaūpoko o te take.

    He paearu anō tā ngā māngai tahua pūtea mō te whakatau i ngā hōtaka ka tautokohia ā-pūtea e rātou. Kei runga te roanga o ngā kōrero i ngā paetukutuku ā ngā māngai, i roto i ngā pānuitanga pērā ki ā rātou pūrongo ā-tau me te pānui whāinga (SOI). Ahakoa te tautoko a te kaiwhakapāho, karekau tērā i te whakaaetanga ka whiwhi pūtea te hōtaka mai i te māngai. I te mutunga o te whakatau a te Poari, ka whakamōhiohia atu e te māngai tahua pūtea ngā kaitono whai angitū. Mēnā ka whai angitū te kaitono, ka neke atu koe ki te wāhanga kirimana.

    Arā atu ngā kirimana rerekē e ai ki te tūmomo hōtaka kua whiwhi tahua pūtea. He mea kitea noa ngā kirimana e rua. He Kirimana Tahua Pūtea Hanga Hōtaka (PFA) me te māngai tētahi (Te Māngai Pāho, NZ On Air rānei), ā, ko tētahi he Kirimana mō te Raihana ki te Whakapāho (LBA) me Whakaata Māori. I ētahi wā ka whakaaehia he kirimana kotahi i waenga o tō kamupene hanga hōtaka, te/ngā māngai me te kaiwhakapāho.

    Me tuku koe kia hipa te kotahi marama (kia roa ake i ētahi wā), i mua o tō tīmatanga ki te hanga i tō hōtaka.

  4. Hanga HōtakaExpand

  5. Tuku RatongaExpand


Ngā Hononga Whaihua

New Zealand on Air
Te Mangai Paho
Nga Aho Whakaari
New Zealand Film Commission
The Big Idea

Tāpiritanga

PDF icon RFP Guidelines Document - 2017.pdf PDF icon Publicity Requirement - 2017.pdf PDF icon Deliverables 2017.pdf Package icon End_Tags.zip PDF icon Māori Television File Delivery Specification v1.5.pdf Microsoft Office document icon programme_proposal_submission_coversheet_2017_template.doc