Te Kimi Mahi - FAQ

NGĀ PĀTAI AUAU WHAKAURUNGA

Ka tareka e te tangata ahakoa ko wai, ki te tono mō ngā mahi kua pānuitia?
Ae, mēnā kei ā koe ngā pūkenga me ngā mātauranga mō te tūranga.

Ki te tono mō tētahi tūranga, me whakapapa ahau ki te ao Māori?
Kao. Heoi anō, ko te mea nui kei te ū koe ki te ako, ki te whakamahi, ki te awhi i te reo Māori.

Ēhia te roa i mua o tō whakahoki kōrero mai mō taku tono?
Ki te tono mai koe mā te imeera, ka whakamōhiohia atu koe kua tae mai i roto i te rā mahi kotahi. Mehemea karekau tēnei i tutuki, whakapā mai ki te titiro mēnā i tae mai tō tono.
Ka whakamōhia atu koe i roto i ngā rā tekau mai i te wā ka kati te tono, mēnā kua eke koe ki te wā uiui, kua whakapekaina rānei mō te tūranga.

He aha te hātepe whakaurunga?
Ka tirohia ngā tono mō ngā matatauranga whai take.
Ki te whakaarohia koe mō te tūranga, ka uiuihia koe e Whakaata Māori.
Ki te whakaarohia koe mō te tūranga, ka whakahaerehia anō ētahi atu arowhai ki tō ao mahi o mua, me ngā kupu tautoko.

Ēhia te roa o te hātepe whakaurunga?
E pātata ana ki ngā wiki e whā mai i te wā kati o te tono.
Ka whakamōhiohia atu ngā kaitono karekau i whai angitū.

He aha te reanga reo Māori ka hiahiatia?
Ka hiahiatia ngā reanga rerekē o te reo Māori mō ngā tūranga rerekē. I ētahi tūranga kāre noa iho he hiahia mō te reo Māori, engari ko te tikanga me ako, whakamahi, whāngai hoki te whānau o Whakaata Māori i te reo Māori.

Me reo Māori taku tono?
Ka whakaaetia ngā tono i roto i te reo Māori me te reo Pākeha.

Me pēhea te tono atu i taku Tāhuhu Tangata?
Ko te imēra te ara pai ake, heoi ka whakaaetia ngā tono mā te waea whakaahua me te pōhi.

He tauira anō kei te waatea mō te takotoranga o te Tāhuhu Tangata?
Ae, pāwhiri ki konei mō te tauira o ngā Tāhuhu Tangata, ki konei rānei mō te papa tauira careers.govt.nz


Kei roto te mihi i ngā whakahaerenga o te uiui?
Mēnā he mea nui tēnei ki ā koe, ka tareka te whakahaere i tērā i te wā o tō uiui.

Mēnā ka whakapekaina ahau, ka tareka anō e au te whai i tētahi atu tūranga waatea?
Ae, Ka arotakehia ngā tono e te rōpū whakaurunga mō ngā tūranga atu i ērā i hiahiatia, ā, ka whakamōhiohia atu ngā kaitono hei tōna wā. Heoi anō, ki te whakaaro koe kei ā koe ngā pūkenga mō ētahi atu tūranga, me tono koe mō te katoa o ērā tūranga.

He aha te Māori Television Service?
Pāwhiri ki konei kia tae ai koe ki te Paenga o Whakaata Māori mō ngā pārongo.