Me pēhea te tono mō tētahi mahi

Ngā tikanga

He kirirarau koe nō Aotearoa, he puka tuku mohoa rānei tāu.
He tino kaingākau koe ki ngā mahi pāpāho, te reo me te ahurea Māori.
Ka taea e koe te homai i tō tāhuhu tangata e pupuri ana i ō pūkenga mahi.

Tuatahi – kimihia te mahi tika  
Tirohia ngā mahi i runga i te paetukutuku ka tohu i te mea e hiahia ana koe. He tau kōnae tō ia tūranga mahi. Tuhia te tau kōnae me te ingoa o te tūranga mahi. Mā ēnei koe e āhei ai ki te tono mō te tūranga. Mēnā e waatea ana he hono whakaaturanga mo te mahi, tangohia he tārua, kia mōhio ai koe mehemea koirā te mahi māu.

Tuarua – whakaritea tō Tāhuhu Tangata
Me uru atu ēneki wāhanga ki tō Tāhuhu Tangata: ingoa, nama wāea, kāinga noho, pūkenga, ngā tohu mātauranga (i whakawhiwhia i whea, i tēwhea tau?), ngā tūranga mahi o mua, me ngā kupu tautoko, kia e toru neke atu. E rua me pā ki ngā mahi, ki ngā akoranga rānei, ko te tuatoru he taunaki whanonga, kaua mai i tētahi o te whānau, engari mai tangata kē. Āta titiro mēnā kei te hāngai tō Tāhuhu Tangata ki ngā tikanga i runga.

Tuatoru – tono mō te tūranga mahi
Imeerahia tō Tāhuhu Tangata, tonoa rānei ā-pōhi, me te reta whakamārama.

Me tono ki: hr@maoritelevision.com
Ki te tono koe mō ngā tūranga tokomaha, tonoa mai koa kia kotahi te imeera mō ia tūranga mahi.
Pōhihia mai tō Tāhuhu Tangata me te reta whakamārama ki:

Pūmanawa Tangata
Māori Television
PO Box 64-341
East Tamaki
Auckland 2013
New Zealand

E rima ngā rā mō tō tono ki te tae mai, otirā mō mātou ki te whakahoki kōrero atu. He tere ake ki te tono mā te imeera. Ko te imeera te ara pai ake.