Piripi Walker

Ngāti Raukawa te Au ki te Tonga (I tohua e Te Pūtahi Paoho)

Kaiwhakahaere Umanga

I te Reo Irirangi o Aotearoa, i whakangungu a Piripi Walker hei Kaihautū o te Reo Māori. Koia tētahi o ngā kaiwhakaū, Kaiwhakahaere o Te Upoko o te Ika, te reo irirangi Māori tuatahi o Aotearoa. Mai i te tau 1994, kei te pupuri tonu a ia ki te tūnga o te Kaitiaki me te Hēkeretari i runga i te Poari o Ngā Kaitiaki.

I ngā rautau 1980, ko Piripi te hēkeretari mo Ngā Kaiwhakapūmau i Te Reo mo ētahi take Kooti a te Rūnanga Whakawā e pā ana ki te reo Māori; te reo irirangi Māori; whakaata Māori me te hihinga reo irirangi. Whai ake i tērā ka whiwhi tūnga a ia hei kaiwhakarite o ngā take Tiriti, mō te orokohanga o ngā mahi whakapāhotanga Māori.

Mai i te tau 1992 ki te 1996 i Te Whare Wānanga o Raukawa i Otaki, nā Piripi i whakahaere te kaupapa o Ngā Ture me te Ihomatua Māori. Koia hoki te kanohi mō Te Tauihu o Ngā Wānanga i runga i te Poari o Whakaata Māori.

Kua whakatika a Piripi i ētahi pānuitanga, kua āwhina hoki ia ki te whakatika i ngā kohinga kupu me ngā papa kupu, i te mea kua tekau tau a ia e mahi ana hei kaituhi, kaiwhakatika, me te kaiwhakamāori/whakapākehā.