Georgina te Heuheu

Ngāti Tūwharetoa, Te Arawa, Ngāti Awa, Tuhoe (I tohua e te Karauna)

Manukura

I te tau 2012 ka whakatūria a Georgina te Heuheu e te Karauna hei Heamana mō te Poari o Whakaata Māori. I kō ake nei ka tohua a ia hei mema mō te Tūwharetoa Māori Trust Board.

He whānui ngā mōhiotanga o Georgina i te ao kāwanatanga, te kawenga takohanga tūmatanui, otirā, i kō tonu ake nei ka whai mōhio ia mō te ao pāpāho Māori nā runga i tōna tūngā hei Minita Āwhina o ngā Take Māori. Mai i te tau 1996 ki te tau 2011 he Mema ia o Pāremata, he Minita anō hoki ia mō te Karauna.

I te tau 1972 ko ia te wahine Māori tuatahi ki te uru atu ki te Kōti Teitei hei Poutoko Ture me te Rōia. Mō ngā tau tekau he mema ia mō Te Rōpū Whakamana i te Tiriti o Waitangi, he mema anō ia o te Courts Consultative Committee. E rua ngā wā kua noho ia hei Minita mō ngā Kōti.

Ētahi atu o ana tūranga ā-Paremata, ā-Minita, ko te Kaiwhakahaere o te Komiti Whiriwhiri i Ngā Take Māori. I tōna mutunga ko ia te Minita o Ngā Take Iwi Moutere, me te Minita mō Disarmament and Arms Control.

He Tumuaki a Georgina i mua, o te Māori Development Corporation, Te Papa me te Midland Regional Health Authority, ā, he mema ia i runga i te kaunihera o te Whare Wānanga o Waikato.