Mō Whakaata Māori

Te kaiwhakapāho taketake o Aotearoa, e whakarato ana i ngā hōtaka whānui o te kāinga me te ao, ki te hunga mātakitaki o te motu me te ipurangi.

BAPS Reimbursement, 06 July 2018

Kia hiwa rā, kia hiwa rā

He karanga tēnei ki ngā kaimahi o mua o Whakaata Māori, tēnā koutou.

As a result of a review of our payroll system we have adjusted our payment calculations of leave as it relates to the 2003 Holidays Act.

We are retrospectively recalculating any historical payments to staff who worked overtime, were paid a bonus and undertook any other leave dating from 1 April 2016 to 1 April 2010.

Former staff members who were employed by Māori Television during this time are asked to contact us directly at payroll@maoritelevision.com

Ā Mātou Whāinga

Ko te reo Māori te taonga kei te pū o te ahurea Māori, te tuakiri ahurei o Aotearoa. Ko tā mātou whāinga kia tū rangatira te reo Māori, kia tauawhitia, kia kōrerotia e te katoa.


I whakamānūhia i te tau 2004, e rua ngā whāinga roa ā Whakaata Māori:
• He whakahaere i ngā mahi whakaohooho i te reo Māori;
• Kia tū motuhake ki te whakaputa i ngā mahi hāngai, whai hua, ā, kia kite whānuihia.
 

Ā Mātou Uaratanga

• Kia tika – Me ngaio, me mau tonu ki ngā paerewa tiketike
• Kia pono – Me mahi i runga i te pono me te ngākau tapatahi
• Kia aroha – Me whakaatu i te manaakitanga me te aroha
• Kia Māori – Me pupuri ki te matū o ngā uara Māori


Ahunga Rautaki

Ko te whakaurunga te tūāpapa o tā mātou rautaki – e waihanga ana i te hononga ki te ahurea Māori mō te iwi whānui o Aotearoa. Ka ea tēnei mā te whakaputa i ngā hōtaka ahurei o te kāinga, ngā hōtaka kounga nui, ngā mahi hākinakina utu-kore, ngā hōtaka whakamere o te ao, me ngā mahi whai hua ki te iwi whānui o Aotearoa.
 

Kawenga Takohanga

I tua atu o te iwi whānui o Aotearoa, e rua ngā rōpū pupuri hea a Whakaata Māori: Te Karauna (te Minita o ngā Take Māori, te Minita o ngā Pūtea), me Te Mātāwai.
 

Mā te Ture Te Aratuku Whakaata Irirangi Māori 2003 e whakarite i tō mātou kaingākau, tō mātou herenga ā-ture :
• Ki te whakapāho i ngā mahi nui te kounga, hei whakamōhio, whakaako me te whakangahau;
• Ki te whakapāho i te reo Māori i te nuinga o te wā;
• Ki te whakaaro mō ngā tamariki e ako ana i roto i ngā kura reo Māori, me te hunga e ako ana i te reo Māori.
 

Mā roto i ngā tūmomo hōtaka, ka kaha a Whakaata Māori ki te whakaatu i tō tātou tūnga i roto o tēnei ao, me tō tātou ao i te wāhi kotahi.

Rehita mō te kawerongo