Kaupapa: Rugby

Kua reri te kapa Blues, e noho hinga kore nei, ki te whakataetae Super Rugby

Rahia Timutimu
  • Tāmaki Makaurau
  • Te Waipounamu

Kei tētahi wāhi pai te kapa Blues i mua tā rātou tukinga tuatahi o te whakataetae Super Rugby, heoi he tukinga uaua tā rātou i te rauna tuatahi, ko te hoariri ko ngā toa o tēra tau, ko te kapa Highlanders.

He rongo kino i pā ki te kapa Blues i tēnei wiki, i whakatahahia te kāpene a Jerome Kaino mo tētahi tukinga, i tana patunga i te poumua o te kapa Chiefs a Pauliasi Manu ki Pukekohe i tēra Rāmere.

Nā tēra, ka whai mā James Parsons te kapa e arahi apōpō, hei tāna kua kotahi wiki rātou e whakareri ana mo tēnei tukinga.

Ahakoa i oti i te turanga tekau mā whā o ngā kapa tekau mā rima i tēra tau, he tau hou tēnei, a he hou ngā hua kua puta mai. Kua wikitōria te kapa nō Tāmaki i ā rātou tukinga whakamahana katoa o tēnei tau.

Ko Blues e whakatau ana i te manuhiri, ia Highlanders, hei te pō apōpō ki Eden Park.