TV show sub navigation

Te Ururoa Flavell

Māori Party

Ko Te Ururoa Flavell te mema pāremata mō te rohe pōti o Te Waiariki, koia hoki te Minita Whakawhanaketanga Māori i tēnei wā tonu. Ko Tamati Coffey o te Rōpū Reipa tōna hoa whakataetae.

Ērā atu kaitono i: Waiariki

Ētahi atu: Te Ururoa Flavell

Pūrongo

E hurō ana Te Rūnanga Nui o Ngā Kura Kaupapa Māori i te whakakorenga o Ngā Whanaketanga Mātauranga a motu

Kua whakakorea e te kāwanatanga ngā whanaketanga mātauranga a motu. Koinei tā te minita take mātauranga i te rā nei. Ā e ai ki te tiamana o Te Rūnanganui o Ngā Kura Kaupapa Māori e hurō ana rātou ki taua whakatau.

Pūrongo

Ka akiaki ngā rangatahi ki ngā tūranga mahi hōu e 40,000 i Te Waiariki

E whai ana te Rōpū Whakawhanake Ōhanga i Te Waiariki, arā Bay of Connections ki te whakatū i ngā tūranga mahi hōu e whā tekau mano hei te tau rua mano rima tekau. Hei tā te Minita Whakawhanake i Ngā Rohe, hei tā Shane Jones, he whāinga tēnei e tautokona ana e tana tahua pūtea hōu mō ngā rohe.

Pūrongo

Nā te whakahoahoa i waenga o Ngāti Tūwharetoa kua whiwhi hua ai rātou

E toru tekau mā whitu miriona tāra te wāriu o ngā rawa o Ngati Tūwharetoa, he pikinga ake i te toru tekau mā tahi ira rua miriona i tērā tau. E ai ki te heamana o Ngā Kai-tiaki i te Whakataunga o Tūwharetoa, ki a Rakeipoho Taiaroa, he tahua ngaruru ana i te mahi ngātahi ki ngā rōpū o te iwi, tarahiti mai, koporeihana mai.

Pūrongo

E tohe ana ngā kaimahi o te Wāhi Puna Kaukau o Rotorua i te whakamutu mahi

E tohe ana ngā kaimahi o te Wāhi Puna Kaukau o Rotorua i te whakatau a te Kaunihera o Ngā Roto kia mahi ngātahi ki tētahi rōpū whakahaere nō wāhi kē atu, mea rawa ake, kua whiwhi reta whakamutu mahi katoa rātou. Hei tā te uniana o AWUNZ kei te whai tohutohu rātou i te ture, i te korenga o te Kaunihera i kōrero ki ngā kaimahi i te tuatahi.

Pūrongo

He tū motuhake o POI E nā te Tira Pūoro o Tāmaki Makaurau, nā te Kapa Haka o Kahurangi ki Maungawhau anō hoki

Mo te wā tuatahi kua kitea te Tira Pūoro o Tāmaki Makaurau e waiata ngātahi ana ki tētahi kapa haka. Nōnatata nei tū rātou ko te Kahurangi ki Maungawhau ki te pāoro i te waiata rongonui a Poi E. A, i reira hoki ko te whānau a Dalvanius Prime.

Whakaatu hua anō

Te Kāea i runga i Facebook

Twitter