TV show sub navigation

Shane Taurima

Māori Party

Ko Shane Taurima te kaitono o te Pāti Māori mō te rohe pōti o Tāmaki Makaurau, e whai ana ia i a Tunuirangi McLean, te kaitono ō-mua o te Pāti Māori mō tēnei rohe pōti.

Ko ōna hoa whakataetae i tēnei kōwhiringa pōti, ko Peeni Henare o te Rōpū Reipa rāua ko Marama Davidson mō te Rōpū Kākāriki.

Ērā atu kaitono i: Tāmaki Makaurau

Ētahi atu: Shane Taurima

Pūrongo

He huinga whai kiko tuatahi a Winston rāua ko te Minita Aorere o Ahitereiria

Ko te hui tuatahi ki wāenga i ngā Minita Aorere o Aotearoa me Ahitereiria a Winston Peters rāua ko Julie Bishop ki Waiheke i Tāmaki Makaurau. Ko ngā take whakamarumaru ki Te Moana-nui-a Kiwa me Āhia-ki-te-Rawhiti ētahi o ngā take nui i whiua ki te tēpū whiriwhiri.

Pūrongo

He manako te hariru ki a Kelvin Davis i kore ai - Tā kaitautāwhi Māori

Kei te whai tautoko tonu te hunga whakakore uruwhenua Aotearoa i mauherea i Christmas Island Ahitereira mai i te Kāwanatanga. He take e pupu ake ana i te wā e tae mai ai te Minita Take Tāwāhi o Ahitereira ki Aoteaora nei ki te hui tahi ki a Winston Peters, Minita Take Tāwāhi o Aotearoa.

Pūrongo

E kōkiri ana a ngāi Māori me ngāi manene kia whai wāhanga te tiriti ki te oati tangata whenua

Ko te tohe kia whai wāhanga ai Te Tiriti o Waitangi ki te oati a ngā kirirarau ki Aotearoa kei te puta ake anō. E whai ana tēnei i te rewanga ake o tētahi petihana ā-tihi nā tētahi rōpū Māori, manene hoki i tīmata, e karanga ana kia whai wāhanga te tiriti ki roto i ngā kupu oati ki Aotearoa. 

Pūrongo

Ka akiaki ngā rangatahi ki ngā tūranga mahi hōu e 40,000 i Te Waiariki

E whai ana te Rōpū Whakawhanake Ōhanga i Te Waiariki, arā Bay of Connections ki te whakatū i ngā tūranga mahi hōu e whā tekau mano hei te tau rua mano rima tekau. Hei tā te Minita Whakawhanake i Ngā Rohe, hei tā Shane Jones, he whāinga tēnei e tautokona ana e tana tahua pūtea hōu mō ngā rohe.

Whakaatu hua anō

Te Kāea i runga i Facebook

Twitter